Exposicións, talleres, lecturas e actos institucionais para honrar a cultura galega

| 07 Mayo 2018 - 12:36 h.
Ilustración de David Pintor sobre María Victoria Moreno.
Ilustración de David Pintor sobre María Victoria Moreno.

A Xunta de Galicia, a través da Consellería de Cultura, Educación e Ordenación Universitaria, a Real Academia Galega e o Consello da Cultura Galega, e en colaboración coa familia da escritora, pon en marcha unha ampla programación de actividades en todo o territorio nas que se abordarán as diferentes facetas de María Victoria Moreno. 

O acto principal de homenaxe da Real Academia Galega terá lugar o propio 17 de maio, Día das Letras Galegas, no Teatro Principal de Pontevedra e contará coa participación de tres membros de número que farán unha alocución sobre a vida e a obra de María Victoria Moreno. 

Ademais, dende o mes de abril e ata o mes de decembro, terá lugar unha exposición itinerante comisariada polo ilustrador e humorista gráfico David Pintor, que consta de 12 paneis e dúas vitrinas con obxectos persoais da autora. A mostra percorrerá os concellos de Santiago, Pontevedra, A Coruña, Lugo, Vigo, Ferrol, Sanxenxo, Ordes, Celanova, Vilaba e Ourense. As bibliotecas públicas Miguel González Garcés, de A Coruña, e Juan Compañel, de Vigo, levarán a cabo unha mostra bibliográfica das obras da autora. 

 

Participación social

Tamén se levarán a cabo iniciativas de participación social como a Carreira Camiño das Letras, unha lectura participativa na Cidade da Cultura e campañas de divulgación en colaboración coas empresas Feiraco, que convoca un certame de microrrelatos; Vegalsa-Eroski, que contará con bolsas conmemorativas; e Renfe, que promoverá o Día das Letras Galegas nos seus puntos de información das sete cidades galegas e nos repousacabezas dalgúns dos seus trenes. 

En diferentes espazos culturais levaránse a cabo obradoiros, tanto para adultos como para nenos, que tamén poderán disfrutar de contacontos baseados nos textos e na vida da autora. 

A música tamén estará presente neste día tan especial xa que o VII Festival Arte Pola Igualdade que se celebra no Teatro Colón de A Coruña o 10 de maio, inclúe interpretacións para lembrar a vida e a obra de María Victoria Moreno. En Pontevedra, o 16 de maio o Consello da Cultura Galega estrea unha peza composta por Miguel Matamoro sobre un texto da autora homenaxeada. 

As redes tamén terán un importante papel na difusión desta escritora. A través da páxima web http://academia.gal/primaveradasletras, a Real Academia presenta diferentes unidades didácticas en torno as Letras Galegas para que desde os centros escolares podan achegarse a esta figura. 

Ademais, dende comezos de ano a páxina da academia ten activo un espazo biográfico dedicado a María Victoria Moreno e o Portal das Palabras, da Academia e da Fundación Barrié de la Maza, conta con contidos centrados no universo vital e literario de María Victoria Moreno. 

Más acciones:
MÁS NOTICIAS

Boletín de noticias

Si quiere recibir información actualizada de Crónicas de la Emigración, envíenos su correo electrónico.
Suscribirse al boletín

Libros de Crónicas de la Emigración

Colección Cronicas de la Emigración

Gallegos en Cuba

Hemeroteca