‘A Nosa Galiza’ de Mollet, na Semana Santa en Barcelona

Con motivo da Semana Santa, a ‘Irmandade A Nosa Galiza’ de Mollet del Vallès (Barcelona), que preside Isabel Ares, participou convidada polo Centro Cultural Andaluz de Mollet e pola comunidade andaluza da cidade de Barcelona na procesión da Virxe Macarena, que discorreu polas principais rúas da Cidade Condal, feito que encheu de orgullo aos galegos asistentes a devandita procesión, dado que esta foi a primeira vez que se escoitaron as gaitas nunha procesión tan importante de Barcelona.
Por outra banda, nada máis chegar da Semana Santa a Irmandade celebraou, tal como ven sendo habitual cada ano, unha feira tradicional cultural-gastronómica, esta vez dedicada á “exaltación do chourizo de Lalín” á que acudiu numeroso público catalán e galego. O grupo convidado para poñe-las notas musicais foi o de acordeóns ‘O Folión’ de Barcelona, dirixidos por Javier Pérez Otero. Coma en toda feira tradicional galega, ofertouse polbo, lacón, orella e outros manxares da gastronomía galega, sendo o rei o chourizo de Lalín.
Tampouco faltou o reparto de libros e demais información sobre o Camiño de Santiago e sobre o Concello de Lalín.