A Irmandade Galega de Rubí conmemorou a Festa da Matanza

Os compoñentes da Irmandade Galega de Rubí (Barcelona), que preside Silvia Castañeda, celebraron un ano máis a Festa da Matanza, un evento no que tódolos socios participan activamente, nun dos parques máis significativos ca cidade ‘Can Oriol’. Como se dunha familia se tratase, segundo marca a tradición galega, dedican unha semana á Matanza, despois de sacrificar o porco nun matadoiro, por que agora iso de facelo no cortello polo menos aquí en Cataluña non se permite, as cousas hai que facelas con tódalas garantías sanitarias, pero a celebración festiva si que a fan á antiga usanza, elaborando os productos por eles mesmos, un día para as filloas, outro para os roxóns e rematando o Domingo coa a degustación das viandas ao aire libre.
Ó Parque ‘Can Oriol’ acoden desde a alcaldesa da cidade ata calquera socio doutra entidade galega de Cataluña, ou mesmo un veciño da vila. Churrasco, cachola, chourizos, filloas e cachelos, por suposto Galegos, e unha cunca de viño fan as delicias de calquera que guste desta festa, e son moitos os que circulan polo devandito parque, ademais do xantar institucional, ao que este ano asistiron ó redor de 300 persoas, un xantar popular no que atópase desde a alcaldesa de Rubí, Carmen García Lores; a directora xeral de Acción Cívica e Comunitaria da Generalitat de Catalunya, a deputada Isabel López Chamoso; os directivos da Irmandade Galega, socios e amigos da entidade, representantes do resto de entidades galegas de Cataluña así como das diversas Casas Rexionais de Rubí, e os membros da Corporación Municipal. Degustaron os manxares, cociñados con moito agarimo polos compoñentes de entidade galega da vila de Rubí.