A AGRUPACIÓN MUSICAL CLASIFICOUSE PARA A SEGUNDA FASE QUE TERÁ LUGAR O VINDEIRO MES DE XULLO

‘Xuntanza’ participou na primeira fase da Liga Galega de Bandas de Gaitas

A Banda de Gaitas ‘Xuntanza’ de Cataluña participou na primeira fase do Campionato da Liga Galega de Bandas de Gaitas, celebrado o 31 de marzo no Pazo de Congresos e Exposicións de Galicia, en Santiago de Compostela, e organizado pola Asociación Galega de Bandas de Gaitas.
‘Xuntanza’ participou na primeira fase da Liga Galega de Bandas de Gaitas
 Foto de familia dos integrantes da Banda de Gaitas ‘Xuntanza’ no exterior do Pazo de Congresos e Exposicións de Galicia.
Foto de familia dos integrantes da Banda de Gaitas ‘Xuntanza’ no exterior do Pazo de Congresos e Exposicións de Galicia.

A Banda de Gaitas ‘Xuntanza’ de Cataluña participou na primeira fase do Campionato da Liga Galega de Bandas de Gaitas, celebrado o 31 de marzo no Pazo de Congresos e Exposicións de Galicia, en Santiago de Compostela, e organizado pola Asociación Galega de Bandas de Gaitas. Tres autocares con más de cen músicos, a maioría mozas darredor de 20 anos, se desprazaron a Galicia para concursar na primeira e na terceira división do campionato, coa Banda Júniors, entre máis dunha trintena de bandas de distintos lugares de Galicia.

 

A Banda de Gaitas ‘Xuntanza’ participou con este nome despois de que se xuntasen hai dous anos a Casa Galega de Hospitalet,  a A.C.G. Rosalía de Castro de Cornella, Toxos e Xestas de Barcelona e A.C.G. Agarimos de Badalona, quen se incorporou este ano. Os seus compoñentes xa son veteranos, pois levan moitos anos participando individualmente neste evento con notables éxitos a pesar das circunstancias e impedimentos que ten ser de fóra de Galicia.
Os mozos de ‘Xuntanza’ tiveron claro que o seu principal obxectivo era participar, facelo ben e divulgar a súa musica e a súa danza. Desta forma, lograron o pase a segunda fase do campionato que se celebrará a finais de xullo.

A Banda de Gaitas ‘Xuntanza’
A Banda de Gaitas ‘Xuntanza’ é un proxecto que naceu hai tres anos froito da fusión de tres entidades culturais galegas en Cataluña. Baixo tres premisas fundamentais, ‘Xuntanza’ uníu a tres entidades, tres cidades, tres xeitos de integrarse na sociedade catalá mantendo a idiosincrasia galega e o amor, a expresión e a promoción da cultura e a lingua galega nun país que entende, que respecta e apoia esta forma tan nobre de manter, desenvolver e promover a identidade e a cultura dun pobo.
A día de hoxe xa son catro as entidades baixo o nome de ‘Xuntanza’. A A.C.G. Agarimos de Badalona incorporouse con máis de 20 músicos ó proxecto e unha escola de música e danza tradicional galega cuns 60-70 rapaces.
A Casa Galega de L’ Hospitalet (entidade fundada en 1987, con máis de 700 socios), a Escola de Gaitas Toxos e Xestas de Barcelona (fundada en 1977, con máis de 400 socios), a Asociación Cultural Galega Rosalía de Castro de Cornella (fundada en 1980, con 700 socios) e a A.C.G. Agarimos de Badalona (con máis de 400 socios) uníronse neste proxecto para traballar dende a unidade, o apoio á mocidade e a promoción das  dúas culturas, das dúas terras, Galicia e Cataluña.
‘Xuntanza’ é o resultado deste esforzo compartido, destas premisas de unidade, mocidade e cultura. É máis que unha banda de gaitas ou un grupo humano. É un exemplo de compromiso pola música galega e catalana. ‘Xuntanza’ está composta por máis de 300 mozos e mozas (de 6 a 30 anos) que conforman unha estrutura estable: unha banda de gaitas de máis de cen integrantes que representa a Galicia e a Cataluña en diversos actos institucionais, unha banda de gaitas júnior de 60 integrantes cos mesmos obxectivos, aínda que de menor idade e currículo, unha escola permanente de música e baile tradicionais, folclore e solfexo, cun gran cadro de baile (uns 60 integrantes), varios grupos de cantareiras (unhas 40 integrantes) e un grupo de percusionistas e pandereiteiras (duns 50 integrantes) cun repertorio tradicional galego variado e moi representativo. Asimesmo, conta cun repertorio de música de cine (bandas sonoras coñecidas internacionalmente) e con outro de música tradicional catalá que incorpora instrumentos tradicionais como o ‘sac de gemecs’, a gralla e o flaviol.
Esta banda de gaitas é, en definitiva, o resultado de case 30 anos de investigación, de formación, de compromiso e de integración dos novos valores a un proxecto sociocultural, a un proxecto de compromiso cívico, de asociacionismo consciente e voluntarioso, de aposta polo talento, a formación e a dedicación.
‘Xuntanza’ é posible grazas ao esforzo dos pais e das nais dos integrantes, ao traballo de tódolos socios e das xuntas directivas das catro entidades e a colaboración de institucións como a Xunta de Galicia, a Generalitat de Catalunya, a Deputación de Barcelona, o Ajuntament de Cornellà, o Ajuntament de Barcelona, o Ajuntament de L’Hospitalet, a Generalitat de Catalunya e a Fundacio La Caixa.
Nas vindeiras datas agárdase a súa actuación en Glasgow, Suiza, Estado Unidos, Cataluña e Galicia.