NA CELEBRACIÓN DO ‘DÍA DE GALICIA’

Os grupos musicais das entidades galegas en Cataluña participaron nun festival en Tarragona

A cidade de Tarragona acolleu o pasado 19 de novembro a celebración do Festival de Música Galega que organiza a Federación de Entidades Culturais Galegas en Cataluña, entidade que preside Luís Lamas Álvarez, e que este ano contou coa colaboración do Centro Galego de Tarragona.
Os grupos musicais das entidades galegas en Cataluña participaron nun festival en Tarragona
 Un intre do acto que se celebrou no Auditorio do Pazo de Congresos.
Un intre do acto que se celebrou no Auditorio do Pazo de Congresos.
A cidade de Tarragona acolleu o pasado 19 de novembro a celebración do Festival de Música Galega que organiza a Federación de Entidades Culturais Galegas en Cataluña, entidade que preside Luís Lamas Álvarez, e que este ano contou coa colaboración do Centro Galego de Tarragona.
O evento celebrouse con motivo do festexo do Día de Galicia en Tarragona e tivo como escenario o Auditorio do Pazo de Congresos da cidade, onde actuaron os principais grupos musicais das entidades galegas de Cataluña. Ó festival tamén asistiron as principais autoridades da cidade, como o alcalde, Josep Fèlix Ballesteros, e o delegado do Goberno catalán en Tarragona, Joaquim Nin Borreda, que xunto cos directivos das entidades federadas e o numeroso público asistente arrouparon aos artistas que lle deron o cerne cultural galego ao festival.
O elenco musical estivo composto polos grupos das entidades: Cova da Serpe de Barcelona, Irmandade A Nosa Galiza de Mollet, Centro Galego de Barcelona, Centro Galego de Tarragona, Agrupación Alborada da Llagosta e a Banda de Gaitas Xuntanza de Cataluña, que agrupa a Casa Galega de Hospitalet, Rosalía de Castro de Cornella, Toxos e Xesta de Barcelona e a Agrupación Galega Agarimos de Badalona. Asistiron como convidados especiais os membros da Agrupación Musical Sacaires de Tarragona.
O humorista galego Pacheco exerceu como teloneiro dos grupos, dándolle así a nota humorística ao evento que, na segunda parte, estivo protagonizado polo recital que a cantante galega Sabela ofreceu aos asistentes.