A ESCRITORA TAMARA ANDRÉS FALOU DE ‘A MULLER NA POESÍA, DESDE A PERSPECTIVA DA TRADUCIÓN’

Asociación Cultural Galega Rosalía de Castro de Cornellá fixo unha homenaxe á muller traballadora

| 19 Marzo 2018 - 11:00 h.
Unha das mozas do grupo de danza foi a encarga da lectura dun manifesto polo día da muller.
Unha das mozas do grupo de danza foi a encarga da lectura dun manifesto polo día da muller.

O sábado 10 de marzo tivo lugar o acto de homenaxe á muller traballadora na Asociación Cultural Galega Rosalía de Castro de Cornellá (Barcelona) que preside Oliver Fernández Expósito, coa celebración dunha conferencia baixo o título ‘A muller na poesía, desde a perspectiva da tradución’, a cargo da escritora Tamara Andrés Padín.

Unha fermosa tarde a que ofreceu Tamara Andrés, despois da lectura por parte de dúas mozas do grupo de danza da Asociación, dun manifesto polo día da muller traballadora. A conferenciante deleitou cunha charla sobre poesía, e a súa tradución, desde a perspectiva da muller galega, amosando ao público asistente unha realidade acontecida desde sempre, como foi, e aínda segue sendo, o ocultamento da muller galega no mundo literario, e no oficio da tradución, pondo exemplos demostrables, desde Rosalía de Castro, de quen destacou a súa labor como tradutora, o que ninguén destacou nos diferentes estudos e publicación sobre ela que se fixeron, ata hoxe, lembrando a figuras da nosa literatura como María Xosé Queizan e mesmo a María Victoria Moreno á que se lle dedican as Letras Galegas este ano.

Finalizou con dous relatos destacados da súa magnífica lección literaria: ‘O feminismo é perspectiva común das tradutoras galegas de poesía desde o Romanticismo ata a actualidade, desde Rosalía de Castro ata Marilar Aleixander. A tradución poética en mans de mulleres sitúase alén da tradución verbum pro verbo. Adquire diversas vertentes para compensar, renovar, modernizar e actualizar o canon poético ortodoxo, patriarcal”.

Á conferencia de Tamara Andrés asistiu o alcalde de Cornellá, Antonio Balmón, xunto ca tenente de alcalde, Montserrat Pérez, e o rexedor Enrique Vanacloy, representantes do ‘Consell Municipal de la Dona’, así como representantes doutras entidades da cidade de Cornellá, e numerosos socios e amigos da entidade que encheron a sala de actos da mesma. O alcalde, despois de felicitar á conferenciante pola súa charla e agradecer tanto ao público como a Asociación Rosalía de Castro pola organización deste acto, así como pala súa incansable labor que fai na cidade, concluíu reivindicando “que non agardemos ata o ano que ven” xa que segundo él “en todas as esferas hai espazo” para defender a igualdade, para rexeitar o machismo, aínda instalado hoxe na sociedade.

E para rematar o acto, as mulleres da Asociación convidaron aos asistentes a unha degustación de produtos típicos da cociña e repostería galegas elaboradas por elas mesmas, unha tradición que veñen facendo desde os primeiros anos de andadura de entidade, nesta día tan especial, aínda que a participación das mulleres nas actividades da entidade é transversal xa que participan activamente e cada un dos actos que durante o ano se levan a termo.

As notas musicais que merecen un acto coma este puxéronas compoñentes do grupo de gaitas e cantareiras da Asociación.

 

Más acciones:
MÁS NOTICIAS

Boletín de noticias

Si quiere recibir información actualizada de Crónicas de la Emigración, envíenos su correo electrónico.
Suscribirse al boletín

Libros de Crónicas de la Emigración

Colección Cronicas de la Emigración

Gallegos en Cuba

Hemeroteca